Uhintifada 301: Eugenio Garcia Gascon: «Jerusalemen inon baino azkarragoa da jazarpen koloniala. Paisaia demografikoa abiada handian eraldatzen ari dira, nazioarteko komunitateak ez dielako eragozpenik jartzen»
UHintifada

Aste honetako atalean gaurkotasunak markatu ditu, ezinbestean, Uhintifadako edukiak. Horregatik, iragan astean Donald Trumpek AEBetako enbaxada Jerusalemera mugiaraziko dueneko iragarpena izan dugu hizpide irratsaioan. Horren harira, Jerusalemeko egoera ulertzen lagunduko dizkiguten gakoak aztertu nahi izan ditugu Eugenio Garcia Gascon kazetariaren eskutik. Garcia Gascon 1991etik bizi da Jerusalemen eta bertatik aritzen da korrespontsal lanetan, besteak beste, Publico egunkarirako. Bere Palestinako kronikak Balagan bloguean argitaratu ohi ditu. Bere jardunean aztertu du mugimendu sionistak historikoki hiri santuaren gainean izan duen interesaren jatorria, eta zein den gaur egun hiriaren estatus legal eta juridikoa nazioarteko legediaren arabera. Azaldu du nola burutu dituen Israelek bere asmo anexionistak 1967tik hona, eta nola gauzatzen ari den Jerusalemeko populazio palestinarren garbiketa etnikoa hamarkada hauetan: kolonia ilegalak hedatuz, trikimailu administratiboen bidez paisaia demografikoa eraldatuz, palestinarren etxeak eta lurrak desjabetuz... Halaber, Estatu Batuetako presidentearen adierazpenak piztu dituen protestaldien berri eman digu, eta gogoeta egin du gertara horiek eragin dezaketen egoeraz.

 
Hitzarmen neoliberalei ez! Herriok erabaki!
TTIP eta CETAari ez!

[Euskal Herriak TTIP eta CETA ez! eta Euskal Herriko Eskubide Sozialen Karta] Merkataritza-fluxuak eta mundu-mailako inbertsioa liberalizatzeko kapitalaren agendak, ezinbestekoan, bereari eusten dio: Munduko Merkataritza Antolakundeak (OMC) abenduaren 10etik 13ra arte elkartuko da Buenos Airesen, gobernantza neoliberalarena den bitarteko hau berrabiarazi nahian, Dohako Erronda izenekoak etengabe porrot egin ondoren. Horrela, berriro sustatu nahi da enpresa transnazional handien menpe dagoen merkatu handi orokor desarautua osatzeko aspaldiko ametsa, agenda korporatibo berriaren mugarri eta elementu berriak bilduko duen akordio aldeaniztuna sinatuz.

Gehiago irakurri
 
Herri maputxearen aldeko ekimena Bilbon abenduak 9 13:00etan
EH internazionalista

Bihar, abenduak 9, erakunde desberdinek deituta herri Maputxearekin elkartasuna adierazteko elkarretaratzea egingo da Bilboko Txileko kontsulatuan 13:00etan. Hemen duzue komunikatua:

HERRI MAPUTXEAREN ALDEKO EKIMENA WALLMAPUN DAGOEN EGOERA LARRIAREN AURREAN.

Argentinako administraziopean dagoen Lafken Winkul Mapu komunitate mapuchea , Furilofche (Bariloche) inguruan, ehunka poliziak duela aste bi eginiko sarraldiak, komunitateko pertsonak eta UMEAK atxilotu eta torturatzea ekartzeaz gain, Rafael Nahuel 22 urteko gaztearen hilketa utzi zuen. Rafael, beste batzuekin batera, mendira jo zuen poliziaren biolentzia saihesteko. Egun biren ostean, beste batzuekin batera menditik jaistean, esku hutsik zirela, polizi argentinarrak tiro egin eta beste bi larriki zauritzeaz gain, Rafael Nahuel erail zuten.

Gehiago irakurri
 
UHintifada 300: Karlos Zurutuza: «Jakin nahi nuke zertan izango ziren gaur Udaberri Arabiarren ondorengoak, kanpoko eragileen eskuartzerik gertatu ez balitz».
UHintifada

Aste honetako atalean aurkeztu berri den liburu bat izango dugu hizpide Uhintifadako mikrofonootan: "Ekialde Hurbila, muinak eta ertzak". Lan horretan itzal handiko hiru hiru euskal kazetarik; Mikel Ayestaranek, Ane Irazabalek, eta Karlos Zurutuzak; 2011 urtean herrialde arabiarrak astindu zituen Udaberri Arabiarraren inguruko gogoeta sakona egin dute. Mugimendu herritar askatzaile hark itxaropen oldarraldia eraman zuen Ekialde Hurbileko eta Afrika iparraldeko herrialde askotara, eta askok pentsatu zuten benetako eraldaketa demokratikoak eragin zitzakeela munduko eskualde hartan. Baina sei urte geroago, eta mendebaldeko eragileen esku-hartzea tarteko, matxinada hura ezerezean geratu zen. Atal honetan, eta Karlos Zurutuzaren eskutik, mugimendu haren inguruko hausnarketa egin dugu. Zurutuza ibilbide luzeko kazetaria da eta eskarmentu handia du herri haietan; besteak beste; Irak, Afganistan, Siria eta Libian. Kolaboratzaile lanetan dihardu zenbait hedabidetan, hala nola, Gara, Al Jazeera, Middle East Eye edota Vicenews-en.

 
Buenos Aires egingo den hurrengo goi-bileraren aurrean: OMC kanpora!
TTIP eta CETAari ez!

BILBO.  Elkarretratzea Abenduak 11, 19:00etan. Arriagan
DONOSTIA.
Elkarretratzea Abenduak 11, 19:00etan. Boulevardean

Abenduaren 10 eta 13 artean Munduko Merkataritza Erakundea Buenos Airesen elkartuko da. Euren erabaki antidemokratiko eta neoliberalek gure bizitzak are gehiago prekarizatu baino ez dute egingo. MMEk mundu mailan bultzatzen duen erregimenari aurka egiteko, eta gure herrietatik kapitalismoaren alternatibak pentsatu eta eztabaidatzeko, herrialde, lurralde zein mundu mailan antolakunde sozial eta politikoen agenda eta kanpainak berrartikulatzea proposatzen dugu.

 

UHintifadaUHintifada 299: «Ezin da onartu "Refugees welcome" lelodun pankarta erakusten dutenek beldurrez eta ekidistantziaz jokatzea historian zehar errefuxiatu gehien eragin duenaren aurrean»
2017/11/15

Aste honetako edizioan iragan azaroaren 6an Reuven Rivlin Israelgo Presidenteak Madrilera egindako bisita izan dugu hizpide Uhintifadako mikrofonootan. Estatu sionistako mandatariak, 200 enpresari tal [ ... ]


UHintifadaUhintifada 298: Teresa Aranguren: «Palestinako kolonozazioaren sorreraren historia oso ondo dokumentatuta dago, baina Israelgo propaganda-makineriak isilarazi egin du»
2017/11/07

Iragan azaroaren 2an Balfourren adierazpenaren ehungarren urteurrena oroitu zen. Agiri hartan Britaniar Inperioaren garaiko Atzerriko Ministroak, Sir Arthur James Balfourrek, Palestinako eremua eman z [ ... ]


EH internacionalista"Kurduei elkartasuna adierazi eta errealitatea ezagutzeko balio du Zine Kurduaren Zikloak"
2017/11/07

[Info7] Zine Kurduaren II.zikloa gaur hasiko da Bilborrockeko aretoan. Sara, Jiyana min her ser bu filmeak emango dio hasera zikloari. Datozen hiru astelehenetan izango dira pelikulak areto berean. Ig [ ... ]


EH internacionalista“155.ari ez · Demokrazia eta erabakitzeko eskubidea” leloarekin, larunbat honetan denok Bilbora!
2017/11/01

Hainbat eragile politiko, sozial eta sindikalok, Komite Internazionalistak erakundeak barne, atxikimendu eman diogu larunbat honetan, azaroaren 4an, Bilbon izango den manifestazioari. Protesta 17:00et [ ... ]


Herriak.org buletina

Gure aktibitate edota babesten ditugun borroken inguruko albiste eta informazioa jaso nahi baduzu, hasierako orriko fomularioa bete ezazu, “herriak.org” buletina zure helbide elektronikora helarazteko.
Agenda

Euskal Herriko zure auzo edo herrian internazionalismoaren testuinguruko aktibitate interesgarriren baten berri baduzu, gure agendaren bidez zabal dezakezu. E-mail bat bidal diezaguzu helbide honetara: kibilbo@herriak.org
Banner

TWITTER KI

 

UHintifada

Herriak.org Buletina

Gure albiste buletina jaso nahi baduzu, datu hauek bidali.

HTML onartu?

Sarean

Euskal Herria-Palestina Sarea

Topatu.info

aht gelditu!

Free Mumiaren lagunak