Uhintifada 344: Koldo Salazar: «Andinia egitasmoa sinismoaren sorrerako testuetan ere planteatu zuten, eta helburua Patagoniako baliabide naturalak bereganatzea da»
UHintifada

Azken aldian, areagotu egin dira Argentina eta Chileko Patagonian Israelgo esku hartzeak eragin dituen salaketak. Batez ere, herri maputxea da injerentzia hori salaten ari dena. Hori dela eta, aste honetako atalean Andinia Egitasmoa delakoaren analisian sakondu nahi izan dugu Koldo Salazar Lopezen eskutik. Salazar idazle eta analista politikoa da Ekialde Hurbileko eta Afrikako eskualdean espezialitatua,  eta “La cuestión israelí, crónica de la resistencia palestina” liburuaren eta otralectura.com blogaren egilea. Bere jardunean, gure solaskideak aztertu du Amerikako hegoaldea kolonizatzeko egitasmo israeldarra. Horretarako sionismoaren sorrerako testuetara jo du, izan ere, Theodor Herzlek berak, bere idazkietan, Israelgo balizko estatua Patagonian ezartzeko aukera planteatu zuen. Geroztik, eta mende luzez, talde sionistak saiatu izan dira eskualde horretako lurrak kolonizatzen. Egileak baztertu egin du proiektu horren asmoa Israelgo estatuaren balizko porrotaren aurrean alternatiba bat sortzea denik; aitzitik; haren ustez asmoa da eskualde horretako baliabide natural oparoak bereganatzea, izan ere, baliabide horiek urriak dira Palestinan, eta beharrezkoak haien estatu proiektu espansionista elikatzeko. Egitasmo horren ondorio praktikoa izan da azken urteotan gero eta israeldar gehiago joaten direla eskualde horretara. Gehienak soldadutzako azken urteko militarrak izaten dira, motxilero kamuflatuta, eta euren berezko izaeragatik talka egiten dute bertako populazioarekin. Bestalde, salatu du lobby sionistak gutxietsi nahi dituela proiektu kolonialista horren aurkako kritikak eta teoria konspiratibo antisemitak direla esanez egiten duela.

 
Newroz 2019
EH internazionalista

Newroz 2019Datorren ostiralean Martxoak 22 Newroz eguna ospatuko da Bilbo Zaharrean Kurdistanekin Elkartasun Ekimenak deituta. Aurten Kurdistanekin elkartasuna adierazteaz gain Abdulah Oçalanen isolamenduaren aurka eta horretan borrokan dirauten ehunka gose grebalariri egingo zaie aipamen berezia.

 
Euskal Herriak, kanpo injerentzia eta interbentzioei ez! Ez Venezuelan ezta inon ere
EH internazionalista

Gizarte zibileko antolakunde, sindikatu eta alderdi ezberdinek Venezuelan esku-hartze militar eta kanpo-injerentziaren kontrako ekimena martxan jarri dute.

Venezuelaren egoeraren aurrean, eta egoerak okerrera egiten jarrai dezakeelako, Euskal Herriko hainbat eragileek bat egin dugu ekimen bateratu bat martxan jartzeko.

Edozein esku-hartze militarren aurka agertzea, kanpo-injerentzia salatzea, Venezuelaren subiranotasuna defendatzea eta elkarrizketaren eta bakearen aldeko apustua egitea izango da ekimen honen helburua.

Ekimen hau babes eta ekarpen berriak jasotzeko asmoz abiatzen dute bultzatzaileek.

Sinatzaileak

Euskadiko GGKEen Koordinakundea-Coordinadora de ONGD de Euskadi, Bizilur, Asociación Elkarcredit de Solidaridad, Euskadi Cuba, Jorge Adolfo Freytter Romero Elkartea, Komite Internazionalistak, Askapena, Mugarik Gabe, Mundubat, Paz con Dignidad – Bakea eta Duintasuna

CCOO, EHNE Bizkaia, ELA, ESK, ETXALDE, HIRU, LAB, STEILAS.

EH Bildu, Ezker Anitza-IU, PCE-EPK, Podemos

 
BBVAren irabaziak odolez zikinduta daude
Euskal Herria

BBVADatorren ostiralean, martxoak 15, ospatuko den BBVAren Akziodunen Batzarra dela eta, BBVAren Kontrako Plataformak eta Euskal Herriak Kapitalari Planto! Kanpainiak sentsibilizazio eta protesta ekimen desberdinak antolatu ditugu. Hauen bitartez, mahai gainean jarri nahi ditugu bere irabaziak lortzeko banku honek garatzen dituen zenbait jarduera, hauek eragiten dituzten ondorio larriak, eta baita ere euskal erakundeengandik jasotzen duen mesede-tratua.

Horrela, martxoaren 14ean, osteguna, arratsaldeko 19:00etan hitzaldi bat burutuko dugu Zirika! Herri gunean (Erronda kalea 12, Bilbo), “La banca o la vida” lelopean. Bertan, Gasteizkoak Talde antimilitarista, Banca Armada eta Ongi Etorri Errefuxiatuak-eko La Guerra Empieza Aquí Batzorde-ko kideak hartuko dute parte.

Beste alde batetik, martxoaren 15ean, ostirala, Akziodunen Batzarraren hasiera dela eta, protesta-elkarretaratze bat egingo dugu Euskalduna Jauregiaren aurrean goizeko 11:00etatik aurrera.

 
G7 EZ, ez hemen, ez inon!
Euskal Herria

[Donostiako G7 EZ Plataforma] G7ren aurka mobilizatzera goaz sinbolizatzen duen mundua errotik aldatu behar delako lehenbailehen. Eta hori guk Donostiatik egin nahi dugu. Bestelako mundu horri Donostiatik egin nahi diogu gure ekarpena, beraiek inposatzen diguten hiri ereduari aurre eginez. Turismo aberatsari, Inditexi, kontsumo basatiari, metroari, abiadura handiko trenari, kulturaren komertzializazioari eta erdarei eskainitako beraien San Sebastiani guk Donostiarekin aurre egin nahi diogu, herritarren, komertzio txikien, bertako merkataritzaren, feminismoaren, ekologiaren, migrazioaren, euskararen eta euskal kulturaren Donostiarekin. Zure laguntzarekin lortuko dugu.

Gehiago irakurri
 

UHintifadaUHintifada 341: Barbara Demurtas: «Tranbia azpiegitura egonkorra denez, ilegalki okupatutako eremua eremu anexionatua bilakatzen du»
2019/02/25

Aste honetako atalean Euskal Herria nazioarteko iritzi pubublikoaren jomugan jarri duen afera batean sakondu nahi izan dugu. Duela aste batzuk CAF enpresako langile batzordeak, ahobatez, eskaera egin  [ ... ]


UHintifadaUHintifada 340: Koldo Saenz (LAB): «Egoera sozioekonomiko honetan langileek giza eskubideak hobestea lan zamaren aurrean erabaki ezohikoa bezain ausarta da»
2019/02/20

Duela aste pare bat hautsak harrotu zituen albiste bat iritsi zitzaigun Beasain (Gipuzkoa) aldetik. CAF enpresako langile batzordeak eskaera helarazi zion faktoriako zuzendaritzari, Jerusalemeko tranb [ ... ]


Euskal HerriaG7 EZ, ez hemen, ez inon!
2019/02/11

[Donostiako G7 EZ Plataforma] G7ren aurka mobilizatzera goaz sinbolizatzen duen mundua errotik aldatu behar delako lehenbailehen. Eta hori guk Donostiatik egin nahi dugu. Bestelako mundu horri Donosti [ ... ]


UHintifadaUHintifada 339: «Olibondoa erresistentziaren ikurra da, alferrik uzten den olibondo-sail metro bakoitza kolonoek okupatuko duten lur zati bat da»
2019/02/11

Aste honetako atalean hilero Bilboko BDZ taldeko lagunek eskaintzen diguten kolaborazioetako bat aurkeztu dizuegu. Oraingo honetan Mikel Mariñok taldeko kide bat elkarrizketatu du, Iskra. Iragan urri [ ... ]


Herriak.org buletina

Gure aktibitate edota babesten ditugun borroken inguruko albiste eta informazioa jaso nahi baduzu, hasierako orriko fomularioa bete ezazu, “herriak.org” buletina zure helbide elektronikora helarazteko.
Agenda

Euskal Herriko zure auzo edo herrian internazionalismoaren testuinguruko aktibitate interesgarriren baten berri baduzu, gure agendaren bidez zabal dezakezu. E-mail bat bidal diezaguzu helbide honetara: kibilbo@herriak.org
Banner

TWITTER KI

 

UHintifada

Herriak.org Buletina

Gure albiste buletina jaso nahi baduzu, datu hauek bidali.

HTML onartu?

Sarean

Euskal Herria-Palestina Sarea

Topatu.info

aht gelditu!

Free Mumiaren lagunak