06-07-05 AL QUDS (JERUSALEM).
RAMALLAH, BIZIDUNEN HILOBIA. Duela urtebetera arte Ramallah ezagutu duen oro lur eta lur geratuko litzateke gaur egungoa ikustean, izan ere, 100.000 biztanleko hiri bizi eta girotsu hau porlanezko harresi erraldoi batez guztiz inguratua agertzen da gaur egun. Esan genezake aire zabaleko espetxe bat dela. Garai batean Al Qudsetik Qualandiara heldu eta hor Check Point-a zegoen, bertan militarrek kontrol zorrotza ezartzen zioten sartu zein atera nahi zuen orori, egun ordea sarrera bakarra autopistako peajearen antzeko kontrol postu bat da. Sarrera bakar hau guztiz itxita dago Ramallahko nortasun agiria daukaten palestinarrentzat, Jerusalengoak ordea traba handirik gabe sar daitezke (Israelgo administrazioko nortasun agiria daukatelako), honek funtzean apartheid egoera izugarria sortzen du palestinarren artean, izan ere auzokideak izanik batzuek zirkulatzeko eskubidea murriztuta daukate. Apartheid hau areagotzeko lege berri bat ezarri du Israelgo administrazioak, zeinaren bidez Jerusalemgo hiritar batek ezin baitu Ramallahko bat kotxez eraman. Harrapatuz gero 15000 NISeko (3000 euroko) isuna ezarriko liokete. Egoera honen ondorioz errepresioaren zama autobus zein taxi gidariengan jarri dute, haien ibilgailuan sartzen den palestinar ororen kontrol zehatza eraman behar dutelako.
Brigadak
