Portada Multimedia UHintifada


UHintifada 321: Manal Tamimi: «Mendebaldetarrek errazago sentitzen dute enpatia Ahed Tamimirekin, hileoria delako eta buruzapirik ez duelako» PDF Inprimatu Email
2018/07/13

manal
Iragan abenduaren 19an Israelgo armadak Ahed Tamimi 16 urteko nerabe palestinarra atxilotu zuen, sare sozialetara lau haizetara zabaldu zen bideo baten ondorioz. Grabaketan neskatilak zaplaztekoa eman zion bere etxe atarian ejerzito okupatzaileko soldadu bati. Epaitegi militar batek hamabi salaketa egotzi eta zortzi hilabeteko kartzela zigorra ezarri dio tamimitar gazteari. Geroztik sei hilabete eman ditu isolatze erregimenpean, eta zenbait erakundek nerabeak itaunketetan pairatu dituen mehatxu eta jazarpen sexualak salatu dituzte. Ikasturte honetako azken irratsaioan Manal Tamimi izan dugu solaskide Uhintifadako mikrofonootan, Ahed Tamimiren izeba. Manal Tamimi Zisjordaniako Erresistentzia Ez-Bortitzerako Herri Batzordeko kidea da eta azken asteotan Euskal Herrian izan da bisitan Sodepaz eta Internazionalistak Elkarlanean erakundeek gonbidatuta. Bere jardunean azaldu digu erresistentzia ez-bortitzeko mugimenduaren ibilbidea tamimitarren herrian, Nabi Saleh-n; nabarmendu du emekumeek historikoki erresistentzia mugimendu horretan jokatu duten papera; eta erresistentzia ez-bortitzeko estrategia horretan komunikazio tresnak garatzeari eman dioten garrantzia. Bestalde, ilobaren aferaz, irakurketa kritikoa egin du. Salatu du Ahed Tamimirena ez dela kasu isolatu bat Palestinan, okupazioaren jazarpenak bereziki emakumeak eta umeak dituela jomugan, horrela komunitateari kalte moral handiagoa eragingo diotelakoan. Haren ustez, Aheden auziak hainbesteko oihartzuna lortu badu izan da hilehoria delako eta buruzapirik ez daramalako, izan ere, mendebaldetarrok errazago sentitzen baitugu enpatia europearra dirudien neskatila batekin. Nolanahi ere, Ahed Tamimien kasuak balio izan du Palestinako haurrek pairatzen duten eguneroko bortizkeria nazioarteko arretaren jomugan jartzeko.

 
Uhintifada 320: Jihad Mohammed Issa: «Jaiotzen garenetik gurasoek jaioterriko oroitzapenean hezten gaituzte, beti eutsiko diogu itzultzeko itxaropenari» PDF Inprimatu Email
2018/07/05

Aste honetako atalean oso gertuko testigantza ba jaso dugu, Jihad Mohammed Issa errefuxiatu palestinarrarena. Issa Siriako errefuxiatuen kanpamenduetan jaio zen 1948an erbesteratutako familia baten baitan. UNRWAren eta Siriako gobernuaren eskoletan ikasitakoan Cubara beka batez ikastera joateko aukera sortu zitzaion eta bertan medikuntza iksketak egin zituen. Siriako gerra dela eta, hara bueltatu ezinean, Gasteizera ekarri du bere bidaiaren azken geldialdiak. Bere jardunean beste sei milioi errefuxiatu palestinarrenak ere izan zitezkeen bizipenak kontatu dizkigu: erbestea, deserria... eta jaioterrira noizbait itzulteko borondate irmoa.

 
UHintifada 319: Fakun Aznarez: «Israelekiko partida bertan behera utzi izanak Argentinan sionismoaren zilegitasuna ezbaian jartzeko balio izan du» PDF Inprimatu Email
2018/06/13

Arg.Iragan ekainaren 9an, Jerusalemen, Argentinako eta Israelgo futbol selekzioen arteko lagun arteko partida zen jokatzekoa. Azkenik, erregimen sionistarentzat propaganda ekitaldi entzutetsua izan behar zuena ezer ezean geratu zen, talde argentinarreko jokalariek uko egin ziotelako norgehiagokan parte hartzeari. Israelgo erregimenak boikot mugimenduaren mehatxu terroristen itzala ikusi nahi izan du ebazpenaren atzean, baina zenbait jokalarik adierazi dute hartu zitekeen erabakirik zuzenena hartu baino ez dutela egin. Jokalari argentinarrak bidaia bertan behera uztera bultzatu dituzten arrazoiak edozein direlarik ere, nazioarteko BDZ mugimenduak garaipentzat hartu du erregimen sionistaren legitimaziorako kirol ikuskizuna zapuztu izana. Afera aztertzeko Fakun Aznarez izan dugu solaskide Uhintifadako mikrofonootan. Aznarez Resumen Latinoamericano aldizkariko kidea da. Bere jardunean azaldu du lobby sionistak izugarrizko itzal luzea daukala Agentinan, eta tradizionalki Palestinarekiko edozein elkartasun adierazpen tabu izan dela. Nolanahi ere, munduko futbol selekzio sonatuenetako batek Israelekiko partidari planto egin izanak mahai gainean jarri du Palestinako afera, eta balio izan du ezbaian jartzeko apartheid erregimenaren zilegitasuna, eta Palestinarekiko elkartasun mugimendua aktibatzeko.

 
UHintifada 318: Jorge (BDS País Valenciá): «Ez gara lobby sionistaren beldur, historiaren alderdi zuzenean gaudela baitakigu» PDF Inprimatu Email
2018/06/06

BDS V

Iragan astean Valentziako Udalak Israelek Gazan burututako sarraskiak salatu eta udalerria Apartheidik Gabeko Esparrua izendatzen zuen mozioa onartu zuen.  València en Comú alderdiak eraman zuen eskaria udalbatzarrera eta aurrera atera zen Compromis eta PSPVren botoekin (PP eta C´s alderdiek kontra bozkatu zuten). Ebazpen horren ondorioz Valentziakoa BDZ kanpainaren eskakizunekin bat egiten duen munduko udalik populatuena bilakatu da. Erabaki esanguratsuak hautsak harrotu ditu eta, aurrekoetan antzeko adierazpenak onartu duten zenbait udaletan gertatu den bezala, ACOM siglen atzean ezkutatzen den presio talde sionistak bere makineria guztia jarri du martxan epaitegietan, prentsan zein sare sozialetan ekimen horren bultzatzaileak mehatxatzeko. Afera horren inguruan solasteko Valentziako BDZ taldeko Jorge izan dugu solaskide Uhintifadako mikrofonootan. Ekintzaileak adierazi du onartutako mozioak palestinarrek eskubideak izateko duten eskubidea baino ez duela eskatzen, eta oinarrizko giza eskubideetan oinarritzen dela. Halaber, salatu ditu ACOMen partetik jaso dituzten presioak eta mehatxuak; baina azpimarratu du ez direla lobby sionistaren beldur, historiaren alderdi zuzenean daudela baitakite.

 
UHintifada 317: Barbara Demurtas: «AEBetako enbaxada Jerusalemera mugitzeko erabakiak ez du inongo balio legalik, baina zilegitasuna ematen dio Israeli hango garbiketa etnikoarekin jarraitzeko» PDF Inprimatu Email
2018/05/30

ivankaIragan maiatzaren 15ean 70 urte bete ziren Nakba egunetik, mugimendu sionistak Israelgo estatua alde bakarrez aldarrikatu eta herri palestinarraren garbiketa etnikoa abian jarri zuen zorigaiztoko egunetik. Efemeride horixekin koinzidarazi nahi izan du AEBetako administrazioak bere enbaxadaren inaugurazioa Jerusalem hirian. Delegaritza diplomatikoaren egoitza Tel Avivetik Jerusalemera mugitzeak nazioarteko legearen urraketa larri bat suposatzen du; baina, era berean, bultzada garrantzitsua da erregimen sionistak Hiri Santua anexionatzenko dituen asmoentzat. Gertaerak gaiztotu egin du hango berezko egoera latza. Aste honetako atalean Jerusalemeko egoera kezkagarria aztertu nahi izan dugu Barbara Demurtas ekintzaile eta ikertzailearen eskutik. Demurtas 2005 urtetik dabil Palestinarekiko elkartasun lanetan zenbait GKErekin, eta egun Mundu Bat erakundeko proiektuak koordinatzen ditu Palestinan. Halaber, Ekialdeko Jerusalemen bizi da. Bere espezialitatea da Giza Eskubideen aurkako urraketen inguruko ikerketa lana egitea. Bere jardunean AEBetako enbaxadaren inaugurazioaren eta Nakba egunaren harira gertatutako protestaldien berri eman digu, baina azpimarratu du eguneroko egoera berez latz batean beste urrats bat baino ez dela.Haren esanetan Israelek Jerusalemeko populazio palestinarra garbitzeko lanetan dihardu etengabe. Horretarako hamaika trikimalu darabilte: administrazio arlokoak, bortizkeria zuzena, etxe birrinketak, ekintzaileen atxiloketa arbitrarioak, azpiegiturak... helburu zehatz batekin, Jerusalemen bizi diren palestinarrak desagertaraztea. Donald Trumpen administazioaren erabakiak, nazioarteko zuzenbidearen ikuspuntutik, inongo balio legalik ez badu ere; zilegitasuna ematen dio Israelen ibilbideari nazioarteko komunitatearen aurrean.

 


Banner

Hala Bedi

Astelehenero 20:00-21:00 tartean, "Uhintifada" da Hala Bedi Irratiaren eta 97.0 Irrati Librea uhin askeetako palestinarren ahotsa. Palestinari buruz eta berarekin jarduten duen programa da. Mundu mailako intifadarako gonbidapena. Adi guztiok seinalera!

Kuña jaitsi: [mp3]

TWITTER KI

IRRATI SAIOAK

Make sure you have at least Flash Player 7. If not,please download.