Portada Multimedia UHintifada UHintifada 331: «Kulturaren bitartez agertu nahi izan dugu Palestinako erresistentziaren beste ikuspegi bat, Israelek artista palestinarrei ezartzen dien boikota urratuz»
UHintifada 331: «Kulturaren bitartez agertu nahi izan dugu Palestinako erresistentziaren beste ikuspegi bat, Israelek artista palestinarrei ezartzen dien boikota urratuz» PDF Inprimatu Email
2018/11/27

NaiAste honetako atalean Nafarroa aldera jo dugu, hango BDZ mugimenduaren kronika jasotzeko Txuri Olloren eskutik. Ollo historialari eta ikerlaria da, eta Nafarroako BDZ taldeko kidea. Azken aldian Palestinarekiko elkartasun mugimendua oso aktibo dabil Nafarroa aldean, arlo guztietan. Administrazio arloan, azken hilabeteotan, mozioak bultzatu dituzte Legebiltzarrean zein Iruñeako Udalean. Ebazpen horietan hiritarrek Israeli boikot egiteko duten eskubidea onartu dute, gaitzespena adierazi dute Israelgo sarraskien kontra, eta "persona non grata" izendatu dituzte estatu sionistako ordezkari ofizialak. Bestetik, azken bi hilabeteotan, Palestinako kultura egitarau oparoa antolatu dute "Palestina habibti" (Palestina maitia) lelopean. Jardunaldi horietan Palestinako hogei ekintzaile, zinemagile, musikari, idazle, dantzari eta artistatik gora bildu dituzte; hamamaika hitzaldi, kontzertu, aurkezpen eta zine emanalditan. Gainera, Nafarroako erakundeetatik konpromezua lortu dute, adierazpen instituzionaletatik harago, kultura ekimen potente hau laguntzeko. Gauza jakina da Israelek bere artisten ekoizpen kulturala baliatzen duela, nazioarteko iritzi publikoaren aurrean normaltasun itxura emanez, bere krimenak zuritzeko; eta bitartean, Palestinako artisten mugikortasuna eta euren kultura ekoizpenaren hedapena oztopatzen duela. Kultura egitarau honek bitartez, Nafarroako BDZ taldeak Israelek egile palestinarrei ezartzen dien boikota urratu eta Palestinako erresistentziaren beste ikuspegi bat eman nahi izan dute.

 
Banner

Hala Bedi

Astelehenero 20:00-21:00 tartean, "Uhintifada" da Hala Bedi Irratiaren eta 97.0 Irrati Librea uhin askeetako palestinarren ahotsa. Palestinari buruz eta berarekin jarduten duen programa da. Mundu mailako intifadarako gonbidapena. Adi guztiok seinalera!

Kuña jaitsi: [mp3]

TWITTER KI

IRRATI SAIOAK

Make sure you have at least Flash Player 7. If not,please download.