Komite Internazionalistak

Atal honetan ere herrialde arabiarretako eta ekialde hurbileko egoera politikoaren azterketa egin dugu Gabirel Ezkurdiaren eskutik. Gabirel kazetaria eta analista politikoa dugu eta bere solasean herrialde arabiarretako matxinadez aritu zaigu, bereziki Siriako gatazka odoltsuaz. Halaber, Israel eta Iranen arteko aferaz, eta Israelek inguru horretan jokatzen duen paper geoestrategikoaz ere aritu zaigu, eta, oro har, gero eta elkarren arteko lotura handiagoa duten Mediterraneo inguruko herrialdeetako matxinadez.

Esta semana hemos contado con la intervención de Santiago Alba Rico en los microfonos de uhintifada. Santiago es escritor, traductor, guionista de televisión y un experto conocedor de la realidad del mundo árabe, y desde tunez nos ha realizado un sintético y exhaustivo análisis de la situación política en los paises del Magreb y de Oriente Próximo. La situación que se vive en paises como Egipto, Tunez o Libia tres años después de los inicios de las revueltas populares; el conflicto sangriento en Siria; la guerra encubierta que Israel lleva a cabio en Iran y que en breve puede desencadenar en una guerra abierta; o la crisis de la hegemonia de Israel en la región; son algunos de los temas que ha tratado en su alocución.

Atal honetan Muqawama irratian Heider Eidi egindako elkarrizketa berreskuratu dugu. Heider Gazako analista politikoa eta BDS mugimenduko ekintzailea dugu eta Gazako egoeraren eta hango bizi baldintzen berri eman digu "Berun Urtua" operaziotik hiru urte pasa direlarik. Halaber, Gazako zerrenda eta Egiptoren arteko lurrazpiko tunelez aritu zaigu eta hango populazioaren biziraupenerako jokatzen duten paperaz. Bestalde, eta boikotaren inguruko albisteei dagokionez, Israelgo enbaxadak estatu sionistaren interesak bultzatu dituzten eragileei emandako Samuel Hadas sariaz mintzatu gara eta saritutako batzuek, hala nola, Jose Maria Aznarrek eta Esperanza Aguirrek, egindako adierazpen lotsagarriez.

Uhintifadaren ehungarren atala egin dugu aste honetan, eta horregatik gure ibilbide laburra baina emankorraren errepasoa egiteko tartea hartu nahi izan dugu. Hori dela eta, azken bi urte eta erdi pasatxo hauetan jaso ditugun testigantza interesgarrienen lagin txiki bat eskaini nahi izan dizuegu. Lehenik, Palestinako errefuxiatuen lekukotasuna jaso dugu Naji Owdahren ahotan; Naji Bethleheneko Dheisheh errefuxiatuen kanpamenduko kidea dugu eta errefuxiatuen historiaz eta eguneroko bizipenez mintzatu zaigu. Jarraian, Israeldar antisionisten testigantza ere jaso dugu Omer Shariren eskutik; Omer Anarchist Against the Apartheid Wall (Apartheid Harresiaren Aurkako Anarkistak) taldeko kidea dugu eta bere taldeko jardueraz aritu zaigu. Adituei ere eman diegu abotsa Antonio Seguraren hitzen bitartez; Antonio Espainako abokatua dugu eta, besteak beste, Gazan egindako sarraskiengatik Auzitegi Nazional aurrera eraman nahi izan ditu Israelgo militarrak; harekin nazioarteko jurisdikzioaz solastu gara. Adituak ezezik ekintzaileak ere izan ditugu solaskide; besteak beste, Ivan Prado, Galizako Paiasos en Rebeldia taldeko kidea eta Palestinako Festiclown jaialdian prestaketa lanetan zebilela Palestinatik bota egin zutena; eta Edorta Jimenez idazlea, Gazarako abiatzekoa zen Gernika ontzian ontziratu zena. Azkenik, BDS nazioarteko kanpainari ere eskaini nahi izan diogu tarte berezi bat, eta horretarako Hind Awadi, Palestinako Boikoterako Kanpainia Nazionaleko kideari, egindako elkarrizketa berreskuratu dugu. Ordubete eskas batean, beraz, ehun saiotan bildutakoaren lagin txiki bat baino ezin izan dugu laburtu. Beste ehun atalez, gutxienez, Palestinako inkomunikazioaren harresiak birrintzen jarraituko dugulakoan. Osasuna eta askatasuna.