Komite Internazionalistak

Pasa den Urtarrilaren 7an Adriám Mosqueira “Senlheiro” atxilotu zuten Compostelako inguruetan dagoen bere jaioterrian, operatibo antiterrorista baten barruan. Hamabi orduz izan zuten inkomunikatua eta izkutatua, biharamunean etxearen miaketa egin zuten arte.

Hamarnaka pertsona kontzentratu ziren gau osoan zehar beraren etxe inguruan miaketaren zain, poliziak neurriz kanpoko dispositiboaz inguratzen zituelarik herrixkan izua eraginez. Bitartean, egunkariek, irratiek eta telebistek, “berez” dagokion errugabetasun-presuntzioa deuseztatu zuten berehala atxilotuari “erakunde terrorista” imaginario baten partaide izatea egotziz. Etxearen miaketan zeudela, lagun eta senideekin izan zezakeen komunikazioa ekiditen saiatu ziren poliziak, baina zarataka  salatu zituen torturak, bai mendian harrapatu zutenean,zein komisaldegian eta miaketan zehar.

Milioika pertsona elkartu ziren Bartzelonako Irailaren 11ko Diada historikoan, helburu politiko ezberdinetatik Catalunyaren independentzia aldarrikatzeko asmoz.

Goizean, Ezker Independentistak, 1978ko Diadan poliziak erail zuen Gustau Muñoz Unió de Juventuts Marxistes-Leninistes erakundeko kideari eta borrokan hildako borrokalari guztiei omenaldia egin zuen. Ondoren, 1714ko setioaren sinbolo den Fossar de les Moreres (Bartzelonako erresistentzian hildakoen lurperatze tokia) fosoan, Arran gazte erakunde berriak (Maulets, CAJEI eta gazte kolektibo independentista ezberdinen konfluentzia) aurkezpena egin zuen. Eguerdian, preso politiko katalanen aldeko Rescat erakundearen manifestazio jendetsua egin zen, ETAkide izatea leporatuta preso dauden Lola eta Marina katalandarren askatasuna aldarrikatzen. Bertan, ekintza ezberdinak burutu ziren, besteak beste, Iosu Uribetxeberriaren aldeko pankarten erakustaldia.

Arratsaldean bi manifestazio antolatu ziren. Alde batetik independentzia aldarrikatzeaz gain, Herrialde Katalanen batasuna eta kapitalaren Europa baztertzen zutenen aldarrikapen antikapitalistak. Eta bertan ezker independentista (CUP erakunde politikoa, Arran gazte erakundea, COS sindikatua, SEPC ikasle sindikatua eta Endavant nazio askapenerako erakunde sozialista) gailendu zen, "Ni pacte fiscal, ni pacte social. Independència, socialisme, Països Catalans" leloarekin. Era berean, bloke honen atzealdean, Kataluniako independentista anarkisten blokea atera zen, alegia Negres Tempestes kolektibo libertarioa, "Ni capitalisme ni Estats, autogestió i solidaritat" lelopean.

[Ioseba - Komite Internazionalistak] Matxinada giroa arnasten da Herrialde Katalanetan. Valentziako Udaberria hasi zenaren jarraipena indartsu dator, batik bat ikasle mugimenduan, pasa diren otsailaren 29ko eta martxoaren 28ko hezkuntzako greba orokorrak erakutsi zuten bezala.

Valentziako Institutoetako ikasleen protestari erantzun zion poliziaren oldarraldiak modu ikaragarrian areagotu du ikasle mobilizazioa. Aitzakia? Kapitalismoaren egungo krisi ekonomikoak eragin dituen murrizketa sozialak, beste hitzetan: hezkuntza eta osasun sistemaren merkantilizazioa.

[Komite Internazionalistak / Ioseba] Pasa den ostiralean, otsailaren 25an, Euskal Herrian bezala, Galizan euren preso politiko independentisten aldeko elkarretaratzeak burutu ziren hiri nagusietan. Lugon, Konpostelan, Vigon, Ourensen eta Ferrolen jende andana bildu zen, euren lau preso politikoen hileroko eguneko baraualdiarekin bat eginez.

2005etik hona Galizako militante independentisten aurkako atxiloketak areagotu dira. Horregatik, presoekiko elkartasuna, gogoeta eta borrokak indartzeko, Galiziar Preso Independentisten Aldeko Kolektiboa sortu zen. Harrezkero, presoek pairatzen duten eraso, isolamendu eta sakabanaketa salatzeko asmoz, ostiralero elkarretaratze hauek antolatzen dira Ceivar izeneko errepresioaren kontrako herri erakundearen eskutik.