Komite Internazionalistak

Komite Internazionalistak taldeak aste hauetan Munduko preso politikoak askatu! lelopean antolatu dituen jardunaldien harira, Donostiako Gros auzoko Kortxoenea gaztetxean, bi hitzaldi burutuko dira.Bata, ostiral honetan, Maiatzak 13, 17:00tan Borrokak eta errepresioa Alemanian 70 eta 90 hamarkedan izendatutako hitzaldia izango dugu.

Urte luzez borrokan ibilitako eta beste urte askoz gartzela pairatutako kide honek gaur egun herri mugimenduetan parte hartzen dihardu. RAF (Armada Gorriaren Fakzioa) taldean urteetan parte hartu zuen. Talde honek, bi hamarkadaz luzatu zuen gerrilla hiritar estiloko borroka armatua alemanian. Kapitalismoa, imperialismo eta sistemaren aurkakoa. Hitzaldian,gartzelara eramandako borrokaz, bertan garatutakoaz, garai hartako errepresioaz eta gaur egungo bere egoeretaz hitz egingo digu, autokritika sakona eginez. Era berean, etorkizunera begirako ikuspuntuak landu ahal izango ditugu konpromezu eta analisi gaitasun handiko militante honekin.

Bigarrena, ordea, Maiatzak 18 asteazkenean izango da 19:00tatik aurrera. Jude Lal Fernando,Sri Lankako erbesteratua Irlandan izango dugu. Dublingo Unibertsitateko irakaslea ere dena.Nahiz eta sinalesa izan (SriLankako gehiengo etnia), Tamilen aldeko militante sutsua da. Oso pedagogikoa eta geopolitikan aditua da.Egungo egoera Sri Lankan oso larria da, milaka preso politiko eta are gehiago konzentrazio zelaietan. Berari orain dela hilabete batzuk emandako elkarrizketa bat ikusgai dago.